21 වන සියවසට උචිත පරිවර්තනීය පාසල් නායකත්වයක් සහ කළමනාකරණයක්
Loading...
Date
Authors
Journal Title
Journal ISSN
Volume Title
Publisher
Faculty of Education, University of Colombo
Abstract
තාක්ෂණික, සමාජීය, ආර්ථික සහ සංස්කෘතික වශයෙන් ශීඝ්රයෙන් වෙනස්වන 21 වන සියවස සමස්ත ලෝකය ම ගෝලීයකරණය සහ කෘතිම බුද්ධිය වැනි නව ප්රවණතා ඔස්සේ විශ්ව ගම්මානයක කොටස් කරුවන් බවට පත්කර ඇත. මෙම ප්රවණතා හමුවේ මෙරට අධ්යාපන ක්රමය, තවමත් පවතින විභාග කේන්ද්රීය සහ කටපාඩම් සංස්කෘතියෙන් බැහැර වී නිර්මාණශීලී ගෝලීය පුරවැසියන් බිහිකරන ස්ථානයක් බවට පත් කිරීමේ අභියෝගය විදුහල්පතිවරයා මත පැවරී තිබේ. ඒ අනුව, විදුහල්පතිවරයා හුදෙක් පරිපාලකයෙක් පමණක් නොව, අන්යයන් මෙහෙයවන නව දැක්මක් සහිත පරිවර්තනීය නායකයකු විය යුතු බවට අවධාරණය කෙරේ. හෙන්රි මින්ස්බර්ග්ගේ නායකත්ව භූමිකා සහ හෙන්රි ෆෙයෝල්ගේ කළමනාකරණ මූලධර්ම පාසල් පරිසරයට ගැළපෙන පරිදි යොදා ගනිමින් අභිප්රේරණය, සහභාගිත්ව කළමනාකරණය සහ සම්පත් ප්රශස්ත ලෙස බෙදාහැරීම මගින් පාසල් ඵලදායීතාව ඉහළ නැංවීමට විදුහල්පතිවරයාට හැකියාව ඇත. එසේම 21 වන සියවසේ පාසලට මුහුණ දීමට සිදුවන ආපදා තත්ත්ව, තාක්ෂණික වෙනස්කම්, තිරසරභාවය පිළිබඳ ගැටලු සහ සාරධර්ම පද්ධතින් ආරක්ෂා කිරීම වැනි අභියෝග ජය ගැනීමට විදුහල්පතිවරයා සක්රීය ව මැදිහත් වීම ද අවශ්ය වේ. ඒ අනුව 21 වන සියවසට උචිත පාසල් නායකයා යනු, නියෝග නිකුත් නොකරන, ගුරුවරුන් හා සිසුන් දිරිගන්වන, ගුරු සිසු සැඟවුණු දක්ෂතා මතු කරන සහ පහසුකම් සපයන්නෙකු ලෙස කටයුතු කරන පුද්ගලයකු විය යුතු බව පැහැදිලිය.
Description
Keywords
School, Leadership, Management, 21st Century
Citation
Wijesekara, D. (2026). 21 vana siyavasaṭa ucita parivartanīya pāsal nāyakatvayak saha kaḷamanākaraṇayak [Transformational School Leadership and Management Suited for the 21st Century]. Adhyapana Prathibha, 16(1), 63-73. https://doi.org/10.66281/70130/9284
