උපදේශන කුසලතාවලට එළඹුමක්
Loading...
Date
Authors
Journal Title
Journal ISSN
Volume Title
Publisher
Faculty of Education, University of Colombo
Abstract
වර්තමානය වන විට උපදේශනය හා උපදේශකයාගේ අවශ්යතාව සමාජයට සුවිශේෂී ලෙස අවශ්ය වී ඇත. ගෝලීය රෝග අතරින් සියයට 12ක පමණ ප්රමාණයක් මානසික ගැටලු සහිත පුද්ගලයන් සිටින බවට වාර්තා වේ. ඒ අනුව මනෝ උපදේශනය වර්තමාන සමාජය තුළ සමාජ අවශ්යතාවයක් වී ඇත. සරල සමාජය සංකීර්ණ සමාජයක් දක්වා පරිණාමය වීමේදී ඇතිවූ සමාජ ප්රශ්න පුද්ගලයාගේ ව්යාකූලතාවයට හේතු වී ඇත.එම නිසා වර්තමාන වෘත්තීය උපදේශකවරයාට පුද්ගල මානසික ගැටළු විසඳීමේදී සුවිශේෂී කාර්යභාරයක් සිදු කිරීමට ඇත. මෙම ලිපියේ මූලික අරමුණ වනුයේ සාර්ථක මනෝ උපදේශන ක්රියාවලියක් සඳහා උපදේශකවරයා සතු විය යුතු වෘත්තීය සුදුසුකම් සහ ප්රායෝගික කුසලතාවන්ගේ වැදගත්කම සාකච්ඡා කිරීමයි. උපදේශනය සහ සාමාන්ය අවවාද දීම අතර පවතින වෙනස පැහැදිලි කරමින් ආරම්භ වන මෙම ලිපිය, සාර්ථක උපදේශනයක පදනම උපදේශකවරයාගේ ගුණාත්මකභාවය සහ පුහුණුව මත වන බව පෙන්වා දෙයි. එහිදී නිරීක්ෂණය, නිහඬතාව බිඳීම, හඬෙහි ගුණාත්මකභාවය සහ ප්රශ්නකරණය වැනි මූලික කුසලතා ක්රියාවලියට දායක වන ආකාරය මෙහි විග්රහ කෙරේ. විශේෂයෙන්ම, සේවාලාභියාට මානසික සහනය සපයන ‘සක්රීය සවන්දීම’ සහ කාල් රොජර්ස්ගේ සහකම්පන මට්ටම් වර්ගීකරණයට අනුව උපදේශකවරයා සේවාලාභියාගේ මනෝභාව සමඟ සුසර වීමේ වැදගත්කම ලිපිය තුළ ප්රධාන වශයෙන් සාකච්ඡාවට බඳුන් කර ඇත. අවසාන වශයෙන්, උපදේශනය යනු හුදු විසඳුම් දීමක් නොව, නිරන්තර පුහුණුව තුළින් වර්ධනය කරගන්නා කුසලතා ආශ්රයෙන් සේවාලාභියා ස්වාධීන තීරණ කරා මෙහෙයවන බලගැන්වීමක් බව මෙම ලිපිය මඟින් නිගමනය කරයි.
Description
Keywords
Psychological Counseling, Counseling Skills, Active Listening, Empathy, Initial Behavior, Empowerment
Citation
Fernando, W. M. P. (2026). Upadēśana kusalatāvalaṭa eḷam̆bumak [An Approach to Counseling Skills]. Adhyapana Prathibha, 16(1), 134-143. https://doi.org/10.66281/70130/9292
