කාර්යක්ෂම ඉගෙනුම් ක්‍රමවේදයක් ලෙස ව්‍යාපෘති ක්‍රමය
Loading...
Date
Authors
Journal Title
Journal ISSN
Volume Title
Publisher
Faculty of Education, University of Colombo
Abstract
වර්තමාන අධ්‍යාපන පද්ධතිය තුළ ශිෂ්‍ය කේන්ද්‍රීය ඉගෙනුම් පරිසරයක් නිර්මාණය කිරීම සඳහා ව්‍යාපෘති පාදක ඉගෙනුම් ක්‍රමවේදය ඉතා වැදගත් මෙවලමක් ලෙස හඳුනාගත හැකි ය. මෙමගින් ව්‍යාපෘති ක්‍රමයේ ස්වභාවය, එහි ප්‍රධාන ලක්ෂණ, මූලික කාර්යයන්, වැදගත්කම සහ පවතින අභියෝග පිළිබඳ ව පුළුල් විශ්ලේෂණයක් සිදු කරයි. ජෝන් ඩුවි, විලියම් හර්ඩ් කිල්පැට්රික් සහ එලා ෆ්ලැග් යන්ග් වැනි ප්‍රමුඛ අධ්‍යාපනඥයින්ගේ දර්ශනයන් මත පදනම් වූ මෙම ක්‍රමය සැබෑ ලෝකයේ ගැටලු විසඳීම අරමුණු කරගත් සිසුන්ගේ මානසික හා කායික ක්‍රියාකාරිත්වය ප්‍රවර්ධනය කරන ප්‍රායෝගික ක්‍රියාවලියකි. ව්‍යාපෘතියක් සාර්ථක කර ගැනීම සඳහා සැලසුම් කිරීම, තීරණ ගැනීම, ක්‍රියාත්මක කිරීම සහ පසු විපරම යන මූලික කාර්යයන් හතර මනා ලෙස කළමනාකරණය කළ යුතු අතර එහි දී SMART අරමුණු, පිරිවැය, නිශ්චිත කාල රාමුව සහ ගුණාත්මකභාවය කෙරෙහි සුවිශේෂී අවධානයක් යොමු කෙරේ. මෙම ක්‍රමවේදය ඇසුරෙන් විද්‍යාව, ගණිතය, කලා, කෘෂිකර්මය සහ තොරතුරු තාක්ෂණය වැනි විවිධ විෂයයන් ප්‍රායෝගික ව ඒකාබද්ධ කිරීමට අවස්ථාව ලැබෙන අතර එමඟින් සිසුන්ගේ විවේචනාත්මක චින්තනය, ගැටලු විසඳීමේ කුසලතා, සහයෝගිතාව, සන්නිවේදනය සහ 21 වැනි සියවසට අවශ්‍ය මෘදු කුසලතා වර්ධනය වේ. විෂය නිර්දේශ ආවරණය කිරීමට ඇති කාලීන අපහසුතා, ප්‍රමාණවත් නො වන භෞතික හා මූල්‍ය සම්පත් මෙන් ම සාම්ප්‍රදායික විභාග රටාව තුළ පවතින විධිමත් පරීක්ෂණ ක්‍රමවේදයන්ගේ හිඟකම මෙහි ඇති ප්‍රධාන අභියෝග වුව ද කටපාඩම් කිරිමේ සාම්ප්‍රදායික රටාවෙන් බැහැර ව අනාගත සමාජයට අවශ්‍ය සක්‍රීය, නිර්මාණශීලී සහ ස්වාධීන පුද්ගලයන් බිහි කිරීම සඳහා ව්‍යාපෘති ක්‍රමය පාසල් පද්ධතිය තුළ සාර්ථක ව යොදාගත හැකි ආකාරය මෙම ලිපිය මගින් අවධාරණය කෙරේ.
Description
Keywords
Project method, Project-based learning, Student-centered education, Integrating Subjects, 21st-century skills
Citation
Lakshika, R. A. P. (2026). Kāryakṣama igenum kramavēdayak lesa vyāpṛti kramaya [The Project Method as an Efficient Learning Methodology]. Adhyapana Prathibha, 16(1), 199-205. https://doi.org/10.66281/70130/9300